Nachruf

 

 

Dat Klootscheeten, dat is mien Läben,

dat hefft wi all as Jungens dahn.

Solang dat Iis und Snee mach gäben,

willt Winters wi to Felde gahn.

De Sehnen straff, das Hart voll Moot,

ich bünn een echtet Freesenbloot

 

Dat lütje Gedicht van Wilhelm Lauw fullt mi in, as ick de Noricht van den Dood van usen Fründ Walter  Vollmerding kreeg. Un wenn ick hier för de Klootscheeter ut Tettens, Butjorland un dat Ollnborger Land schnacken dröff, denn mutt ick faststellen, dat use Walter een echtet Freesenbloot weer.

 

Dat Klootscheeten, dat weer Walter siene Saak. Dat hett he all as Kind lehrt und he wurd een von de Besten in‘t Ollnborger Land. Unner usen legendären Feldobmann Richard Witte wurd Walter säben Mol in de Ländermannschaft insedt. Un Richard hett ok dann op em sedt, wenn dor noch een weer, de vielicht ‚n bäten wieter flüchten kunn.

 

Walter Vollmerding keem ok deshalb säbenmol in de Ollnborger Ländermannschaft to‘n Insatz, wiel he eene Bank weer; op em kunn man sick alltieds verloten. Un so weer he öwer Johrteinde eene Stütze von denn Landesverband Ollnborg, von denn Kreis een Butjorland un natürlich von sienen Vereen Tettens, wo he lange Johre de Vörsitter weer.

 

Wenn wi us vandagen von Walter verafscheeden mödt, so ladt wi jemanden gahn, de säker ok seine Ecken un Kanten harr, de us mit siene Art awer jümmers een Vorbild weer. He weer sportlich een Ass, ob emm kunn man sick alltieds verlaten un he weer bi us Klootscheeter een Wiespahl, de us fehlen ward.

 

Helmut Riesner

1. Vorsitzender des KLVO von 1951 e.V.                                7. September 2018

Kategorie: Nachrufe, geschrieben am 09.09.2018 von Helmut Riesner